ГККП Ясли-сад "№ 22 "Әлем"

№ 22 "Әлем" бөбекжай-балабақшасына қош келдіңіздер!

№22 "Әлем" бөбекжай-балабақшасының тұжырымдамасы: әр бала өз даралығымен бірегей және өз қарқынымен дамуға, өзінің жеке білім беру траекториясы бойынша оқуға құқылы.

Астана қаласы әкімдігінің №22 "Әлем" бөбекжай-балабақшасы мемлекеттік коммуналдық қазыналық кәсіпорны мектеп жасына дейінгі бүлдіршіндерге қонақжай есігін алғаш рет 1969 жылы айқара ашты. Жалпы дамытушы мектепке дейінгі ұйым — бөбекжай-балабақшада мыналар бар: түрлі деңгейдегі сөйлеу тілі бұзылған, психикалық дамуы тежелген және басқа да қосалқы бұзылыстары бар балаларға арналған арнайы топтар; психологиялық-педагогикалық түзету кабинеті; ерекше білім беру қажеттіліктері бар балаларды инклюзивті тәрбиелеу мен оқытуды көздейтін жалпы дамытушы топтар; балалары мектепке дейінгі тәрбиемен және оқытумен қамтылмаған ата-аналарға арналған консультациялық пункт. Бөбекжай-балабақша 2013 жылы елорда әкімінің «Үздік балабақша» грантына ие болды. 2015 жылы Қазақстан Республикасының Мектепке дейінгі тәрбие мен оқытудың мемлекеттік жалпыға міндетті стандарты талаптарына сәйкестігіне аттестатталды. Балабақшаның көпжылдық жұмысы барысында балаларды жақсы көретін, өз ісінің білікті мамандары болып табылатын, тамаша білімі бар, жеке және кәсіби құзыреттілігін үнемі арттырып отыратын педагогтер командасы қалыптасты, нәтижесінде олардың 51%-ы жоғары және бірінші біліктілік санатына ие, оның ішінде 1 PhD докторы, 1 магистр, ҚР Президентінің «Болашақ» халықаралық стипендиясының 3 иегері бар. 2020-2021 оқу жылында 5 педагог жаңа форматта аттестаттаудан өтті: 3 — педагог-зерттеуші, 1 — педагог-модератор, 1 — бірінші санатты басшы. Педагогтер тәрбиелеу-білім беру қызметін ғылыми-әдістемелік қызметпен табысты ұштастырады, келесі әзірлемелердің авторлары болып табылады: Гелеверя О.А, Бондаренко Т.В, Громина М.В — «Подсказка для взрослых»; Гелеверя О.А — «Методический портфель»; Жумабекова А.Н — «Логопедтік әліппе». Мамандар ҚР БҒМ мен «Оқулық» орталығының нормативтік құжаттарын сараптауға және әзірлеуге белсенді қатысады. Мектепке дейінгі ұйымның балалар ұжымы мен педагогтері балалар және кәсіби шығармашылығының халықаралық, республикалық, қалалық байқауларының бірнеше дүркін жеңімпаздары атанған.

Біз үшін әр бала қымбат, балабақшада толыққанды даму үшін барлық жағдай жасалған! Алға бас, бүлдіршін, саған барлық жол ашық!