ГККП Ясли-сад № 15 "Дарын"

№ 15 "Дарын" балабақшасына қош келдіңіздер!

Біздің балабақшамыз 2015 жылдың желтоқсанынан бері жұмыс істейді. Жобалық қуаты — 200 орын. Оқыту тілі: қазақ тілі. Балабақша аптасына 5 күн, 7:30-дан 18:00-ге дейін жұмыс істейді. МДҰ-ның негізгі мақсаты: балалардың дарындылығы мен зияткерлік әлеуетін ерте жастан дамытатын ең озық оқу-тәрбие жұмысын ұйымдастыру. Балабақшада 10 топ жұмыс істейді. Оның ішінде 2 түзету тобы бар. Педагогтер саны — 22. Оның ішінде: 2 — жоғары санатты, 2 — бірінші санатты, 6 — екінші санатты, 12 — санатсыз. Оқу жылындағы білім беру іс-шаралары барлық топтарда Мектепке дейінгі тәрбие мен оқытудың үлгілік оқу бағдарламасы аясында жүзеге асырылады. Балабақшада әдіскер, психолог, музыка мұғалімі, дене шынықтыру нұсқаушысы, қазақ, ағылшын және орыс тілдерінің мұғалімдері, логопед, медбике, диеталық медбике жұмыс істеп, өз қызметтерін ұсынады. Балабақшада балаларға арналған арнайы жабдықталған музыка залы, спорт залы, медициналық кабинет, ойын, жатын және қабылдау бөлмелері бар, сондай-ақ жұмыс үй-жайлары: асхана, кір жуатын орын және қойма бар. Күн ішінде балалар 3 мезгіл ыстық тамақпен қамтамасыз етіледі және күніне 1 рет жемістер мен шырындар беріледі. Сонымен қатар балабақшада қосымша ақылы қызметтер ұсынылады: кезекші топ, логопед, ағылшын тілі, вокал, хореография, робототехника, интеллектум, тұз шахтасы, массаж.

Біз Сізді және Сіздің бүлдіршіндеріңізді әрдайым қуана қарсы аламыз!