ГККП Мини-центр при ясли-сад №54 "Нұр-Ай"

Құрметті аналар мен әкелер, біздің «Нұр-Ай» балабақшасының есігі Сіздерге қонақжайлықпен ашық.

Біздің балабақшада тәрбиеленушілердің қолжетімді сапалы білім, тәрбие алуына және дамуына жағдай жасалған. Біз әр педагогтың кәсібилігі, шеберлігі және шығармашылығы арқылы тұлғаға бағдарланған тәсілді ұстанамыз және тәрбие-білім беру процесі жағдайында баланың денсаулығын сақтау жұмысын жүргіземіз. Мұнда Сіз мектеп жасына дейінгі балаларды тәрбиелеудің барлық мәселелері бойынша кеңес ала аласыз.

Біздің балабақша жұмысының негізгі қағидаттары: әр баланың кішкентай, бірақ толық құқылы Адам ретіндегі еркіндігі мен қадір-қасиетін құрметтеу; әр тәрбиеленушінің даралығын дамытуға жағдай жасау; балалар үшін психикалық жайлылық ахуалын қамтамасыз ету; тәрбие мен оқытудың мазмұны мен әдістерін іріктеу кезінде балалардың жас ерекшелігіне қарай психологиялық ерекшеліктерін ескеру.

Біздің мекемеде әр бала тәрбие, білім, қарау, күтім және сауықтыру алады. Ұйымдастырылған оқу және ойын әрекеті арқылы біз мектепке дейінгі білім берудің негізгі жалпы білім беретін бағдарламаларын және әлеуметтік-педагогикалық, мәдениеттанушылық және көркем-эстетикалық бағыттағы қосымша білім беру бағдарламаларын іске асырамыз. Сізді күн сайын біздің балабақшада көруге қуанышты боламыз.