ГККП Ясли сад № 25 "Таншолпан"

Балабақша – бұл сүйкімді, мейірімді, ақылды, көңілді, шулы, керемет балалар. Балабақшамызда істейтін бар ісіміз – солар үшін, олардың өсіп, дамуы үшін.

Балабақша – бұл ата-аналар. Олар – жұмысымыздағы басты көмекшілеріміз, біз бұл үшін оларға шексіз ризамыз.

Балабақша – бұл қызметкерлер. Тәрбиеленушілердің қуанышы мен мұңын жүрекпен сезіне білетін ең еңбекқор, шығармашыл, креативті жандар.

Балабақша – бұл отбасы. Кез келген тату отбасындағыдай бізде де өз дәстүрлеріміз бен қалыптасқан ережелеріміз бар.

Балабақша – бұл оқытуды, күтімді, қарауды, тамақтандыруды, тәрбиелеуді және сауықтыруды қамтамасыз ететін бірегей жүйе. Бірде-бір жүйе бір мезгілде мұнша көп қызмет атқармайды.

Балабақша – бұл тыныс алатын, сезінетін, қуанатын, ренжитін тірі ағза. Оның өз есімі бар – «Таңшолпан». Біздің балабақша дәл осылай аталады. Бұл – жылы сәуле, біздің жұмысымыздың нышаны. Біз әр баланың жүрегіне жол тауып, онда қуаныш, махаббат пен мейірім ұялатуға тырысамыз...!

№25 «Таңшолпан» балабақшасы 1981 жылы құрылған, мекенжайы: Бөгенбай батыр даңғылы, 19/2, 248 орынға есептелген.

Мемлекеттік тілде оқытатын 4 топ, орыс тілінде оқытатын және тәрбиелейтін 4 топ, 4 мамандандырылған топ жұмыс істейді: психикалық дамуы тежелген балаларға арналған 2 топ және зияты бұзылған балаларға арналған 2 топ. Балабақшаның кадрлармен жасақталуы 100%. Оқу-тәрбие процесін балалар бақытының рецептін білетін дарынды, бастамашыл, шығармашыл педагогтар жүзеге асырады. Олардың 20 педагогының жоғары білімі, 14 педагогының орта арнаулы білімі бар.

Мектепке дейінгі мекеменің басшысы – Адильбекова Гульмира Амангельдиновна

Педагогикалық жұмыс өтілі - 24 жыл.

Әдістемелік жұмысты жүргізеді - Бигарина Куляндам Камидуллатовна.

Педагогикалық жұмыс өтілі – 21 жыл.

Оқу процесі Мектепке дейінгі білім берудің мемлекеттік жалпыға міндетті стандартына сәйкес оқу жоспары бойынша жүзеге асырылады. Балабақша жұмысының басым бағыты – танымдық-сөйлеу тәрбиесі мен дамуы, сондай-ақ тәрбиеленушілерді сауықтыру

Инновациялық технологиялар табысты қолданылады: педагогикалық шеберханалар, ТРИЗ, РТВ, педагогикалық жобалар, тәжірибелік-эксперименттік әрекет, сондай-ақ педагогикалық шеберліктің мынадай нысандары пайдаланылады: өздігінен білім алу, семинарлар, консультациялар, ашық көрсетілімдер, әдістемелік бірлестік жұмысына қатысу, тренингтер.

Аттестаттау нәтижелері бойынша 4 педагогтың жоғары санаты, 7 педагогтың бірінші санаты, 19 педагогтың екінші санаты бар